“Barselona”dan Fransa yığmasının futbolçusuna 30 milyon avro

"Barselona" klubu müdafiə xəttini gücləndirməyə çalışır.

Korner.az-ın məlumatına görə, bu barədə "Sport.es" saytı məlumat yayıb.

Katalanlar Fransa yığmasının müdafiəçisi Samuel Umtiti ilə maraqlanır. Mənbədə deyilir ki, "Lyon" klubunda çıxış edən futbolçu Avropa çempionatından sonra "Barselona"ya yola düşəcək.

Klublar arasında ilkin razılıq əldə olunub. "Lyon" ispanlardan ən azı 25 milyon avro tələb edirdi. Luis Enrike isə futbolçuya görə 30 milyonundan keçməyə hazırdı.