“Barselona”dan ayrılmayacaq
01.11.2018 , 12:08
“Barselona”nın yayda heyətinə qatdığı Malkom qış transfer pəncərəsində komandadan ayrılacağı ilə bağlı yayılan söz-söhbətlərə münasibət bildirib.
Braziliyalı hücumçu məlumatı təkzib edib. O bildirib ki, Kataloniya klubunda əsas heyət üzvü olmaq üçün əlindən gələni edəcək:
“İspaniya mətbuatında çıxan son xəbərlərə aydınlıq gətirmək istəyirəm. “Barselona”ya müəyyən hədəflərlə gəlmişəm. Məni tanıyan hər kəs təsdiq edə bilər ki, çox qərarlı insanam. Karyeramdakı irəliləyişdən məmnunam və bilirəm ki, günbəgün arzularım və hədəflərim gerçəkliyə çevrilir. Ailəm tamamilə şəhərə uyğunlaşıb. İstənilən halda, uğur qazanmaq üçün mübarizə aparmağa davam edəcəyəm”.
Qeyd edək ki, bir neçə gündür Malkomun “Barselona” rəhbərliyindən onu satmasını xahiş etdiyi barədə xəbərlər yayılırdı. Hətta onun qışda 50 milyon avro “Tottenhem”ə keçəcəyi iddia olunurdu.
