“Barselona”da zədəlilərin son durumu açıqlandı
12.11.2025 , 17:30
“Barselona” klubunun zədəli futbolçularının bərpa prosesi ilə bağlı yeni məlumatlar yayılıb.
Korner.az “Barca Universal”-a istinadən xəbər verir ki, komandanın qapıçısı Xuan Qarsiya və hücumçusu Rafinya noyabrın 22-də “Atletik”lə keçiriləcək La Liqa matçında meydana çıxmağa hazır olacaq.
Lamin Yamalın bərpa müddətinin 8–10 gün çəkəcəyi bildirilir. Pedrinin dekabrın ortasında, Mark-Andre ter Ştegenin yanvar ayında, Qavinin isə fevralda yaşıl meydana qayıdacağı gözlənilir. Hazırda “Barselona” La Liqa turnir cədvəlində ikinci pillədə qərarlaşıb və lider “Real”dan 3 xal geri qalır.
