“Barselona” yarımmüdafiəçisini itirdi
13.10.2025 , 16:30
“Barselona”nın yarımmüdafiəçisi Dani Olmo zədə səbəbindən bir müddət komandadan kənarda qalacaq.
Korner.az xəbər verir ki, tibbi müayinədən keçən 27 yaşlı futbolçunun sol ayağının alt əzələsində kiçik yırtıq müəyyən olunub.
Bu səbəbdən Olmonun təxminən 3 həftə meydanlara çıxmayacağı bildirilir.
O, La Liqada “Jirona”ya, həmçinin Çempionlar Liqasının “Olimpiakos”la matçına qatılmayacaq.
Xatırladaq ki, Dani Olmo 2024-cü ilin yayında “Barselona” klubuna transfer olunub.
