“Barselona” yapon hücumçunu izləyir
18.12.2025 , 13:30
“Barselona” Yaponiyanın gənc futbolçularından biri ilə yaxından maraqlanır.
Korner.az xarici KİV-ə istinadən xəbər verir ki, Kataloniya klubunun skautları Yaponiyanın U-17 millisinin hücumçusu Minato Yoşidanın oyunlarını diqqətlə izləyir.
Xəbərdə bildirilir ki, ispan nəhəngi mövsümün sonunda mərkəz hücumçusu mövqeyinə transfer etməyi planlaşdırır. Hazırda “Kaşima Antlers”in şərəfini qoruyan Yoşida özü də karyerasını Avropada davam etdirməyə müsbət yanaşır.
Qeyd edək ki, gənc futbolçu Yaponiyanın U-18 liqasında keçirdiyi 14 oyunda 10 qol vurub və 2 məhsuldar ötürmə edib. Onun “Kaşima Antlers”lə müqaviləsi 2028-ci ilin yayına qədər qüvvədədir.
