“Barselona” Xavi ilə yeni müqaviləyə hazırlaşır
15.05.2023 , 16:11
“Barselona” baş məşqçisi Xavi Fernandezlə müqaviləni uzadacaq.
Korner.az xəbər verir ki, bu barədə italiyalı jurnalist Fabrizio Romano məlumat yayıb.
Onun xəbərinə görə, təcrübəli mütəxəssislə yaxın günlərdə yeni müqavilə imzalanacağı gözlənilir.
“Barselona” 2022-23 mövsümünün bitməsinə 4 həftə qalmış “Espanyol”a səfərdə 4:2 hesabı ilə qalib gələrək, çempionluğunu rəsmiləşdirib.
Beləliklə, Kataloniya komandası son 14 ildə 9-cu dəfə liqa çempionluğunu qazanaraq, ümumilikdə 27-ci çempionluğunu qeyd edib.
