“Barselona” Qarsiya ilə anlaşdı
24.11.2025 , 22:00
Erik Qarsiya “Barselona” ilə yeni müqavilə imzalamağa razılıq verib.
Korner.az xəbər verir ki, bir neçə həftə davam edən danışıqlardan sonra tərəflər anlaşma əldə edib və müqavilənin uzadılması prosesində son detallara baxılır.
PSJ-dən aldığı təklifə baxmayaraq, Qarsiya karyerasını Kataloniya klubunda davam etdirməyi seçib.
Kataloniyalıların müdafiəçi ilə sözləşməni yeniləmək qərarında onun bir neçə mövqedə oynaya bilməsi əsas amil kimi göstərilir. Klub rəhbərliyi və baş məşqçi Hans-Diter Flik Qarsiyanı komandanın gələcək liderlərindən biri kimi görür və onun itirilməsini istəmir.
Xatırladaq ki, 2024/25 mövsümündə Qarsiya La Liqada 13 oyunda çıxış edib və 1 dəfə fərqlənib.
