"Barselona"nın baş məşqçisi Tito Vilanovanın köməkçisi Xordi Roura Çempionlar Liqasının 1/4 final mərhələsinin PSJ ilə bu gün keçiriləcək cavab oyunu öncəsi Messinin sabahkı oyunda meydana çıxıb-çıxmayacağı haqda açıqlama verib.
Korner.az-ın məlumatına görə, argentinalı ulduzdan savayı Pedro və Adrianonun da, meydana çıxıb – çıxmayacağı oyuna bir neçə saat qalmış bəlli olacaq:
"Hər 3 futbolçunun durumu ilə əlaqədar oyun saatını gözləyəcəyik. Yalnız o zaman Messi, Pedro və Adriano haqqında məsələ aydınlaşacaq.
Onların vəziyyətlərini müsbət dəyərləndirmək olar, amma riskə getmək də istəmirik. Əgər Messi oynamayacaqsa, onda biz dünyada ən yaxşı futbolçunu itirəcəyik və bu bizim işimizi çətinləşdirəcək”.
