“Barselona” müdafiədə dəyişiklik variantlarını nəzərdən keçirir
18.11.2025 , 13:30
“Barselona” rəhbərliyi Alexandro Balde və Jül Kundenin bu mövsümdəki oyunundan narazıdır.
Korner.az xəbər verir ki, 22 yaşlı ispaniyalı və 27 yaşlı fransalı müdafiəçi ötən mövsümlə müqayisədə daha qeyri-sabit təsir bağışlayır.
Bildirilir ki, Baldenin performansındakı geriləmənin səbəbi müdafiənin sol cinahında rəqabətin azlığı ilə bağlıdır. Klub rəhbərliyi problemi həll etmək üçün müxtəlif variantları nəzərdən keçirir.
Xüsusilə, “Barselona”nın gələn il öz yetirməsi olan, hazırda Almaniyanın “Bayer Leverkuzen” klubunda çıxış edən Alexandro Qrimaldonu geri gətirmə ehtimalı da gündəmdədir. Oyunçunun transfer qiymətinin 15–20 milyon avro civarında olması gözlənilir.
