“Barselona” Koutinyonu satmayacaq
08.02.2019 , 10:28
“Barselona”nın prezidenti Jozep Bartomeu açıqlama verib. “Cadena Cope” nəşrinin verdiyi məlumata görə, katalanlar braziliyalı futbolçunu satmağı düşünmür.
Prezident açıqlamasında Koutinyonun komandada qalacağını bildirib: “Koutinyonu satmağı düşünmürük. Komanda ona güvənir. O “Barselona”nın tərzini bilir və fərqli oyun oynayır.”
İngiltərə Premyer Liqasında mübarizə aparan “Çelsi” və “Mançester Yunayted”in Koutinyo ilə yaxından maraqlandığı bildirilir.
