“Barselona” doğma arenasına dönüşünü rəsmən açıqladı
17.11.2025 , 19:35
“Barselona” klubunun yenidənqurma işləri davam edən “Kamp Nou” stadionuna qayıdacağı tarix açıqlanıb.
Korner.az xəbər verir ki, komanda doğma arenaya 22 noyabr tarixində geri dönəcək. Bu barədə klubun mətbuat xidməti məlumat yayıb.
İspaniya La Liqasının 13-cü turunda keçiriləcək “Barselona” – “Atletik” qarşılaşması məhz yenilənmiş stadionda baş tutacaq. İlk mərhələdə tribunalara 45 min tamaşaçının buraxılması planlaşdırılır.
Xatırladaq ki, 2023-cü ildən “Kamp Nou”da genişmiqyaslı yenidənqurma işləri aparılır və bu müddətdə komanda ev oyunlarını “Olimpik Lyuis Kompanis” stadionunda keçirib.
