“Barselona” 28 milyon avroluq təklifi dəyərləndirmədi
13.08.2024 , 22:39
“Barselona” gənc futbolçusu Vitor Roke üçün “Everton”un təklifini qəbul etməyib.
Korner.az xəbər verir ki, “Everton” futbolçu üçün 25 milyon avro transfer haqqı və 3 milyon avro bonus təklif edib.
Kataloniya klubu isə 19 yaşlı oyunçu üçün 30-35 milyon avro transfer haqqı istəyir.
Transfer dəyəri 30 milyon avro olaraq göstərilən Vitor Rokenin İspaniya nəhəngi ilə müqaviləsi 2031-ci ilə qədər qüvvədədir.
“Barselona” gənc futbolçunu yanvarda “Atletiko Paranaense”dən 40 milyon avroya transfer edib. İspaniya nəhənginin heyətində 16 matça çıxan Roke 2 qol vurub.
Mina Musayeva
