Balotellinin yeni klubu rəsmən açıqlandı
12.01.2026 , 09:30
İtaliya millisinin keçmiş futbolçusu Mario Balotelli karyerasında yeni mərhələyə başlayıb.
Korner.az xəbər verir ki, təcrübəli hücumçu bundan sonra Birləşmiş Ərəb Əmirliklərində çıxış edəcək.
35 yaşlı forvard “Əl-İttifaq” klubu ilə rəsmi müqavilə imzalayıb.
Bildirilir ki, Balotelli BƏƏ-nin 2-ci liqa təmsilçisi ilə 2,5 illik sözləşmə bağlayıb.
Vaxtilə Avropanın aparıcı klublarında forma geyinmiş futbolçu “İnter”, “Milan”, “Mançester Siti” və “Liverpul”da çıxışı ilə yadda qalıb. Onun son klubu isə “Cenoa” olub.
