İtaliyanın və Fransanın “Nitsa” klubunun hücumçusu Mario Balotelli İngiltərəyə qayıdacağı halda hansı klubda oynaya biləcəyini açıqlayıb.
Korner.az-ın məlumatına görə, futbolçu bu barədə “Xinhua” nəşrinə danışıb.
O bildirib ki, “Liverpul”a qayıtmaq ehtimalı yoxdu:
“İngiltərəyə qayıtsam, “Liverpul”da oynamayacağım dəqiqdi. Bu klubda məni pis oğlan kimi tanıyırlar. “Liverpul”un gözəl komandası və əla azarkeşləri var, ancaq mən heç vaxt ora geri dönmərəm.
Əsas prioritet, təbii ki, “Mançester Siti”di. Lakin “Arsenal”da da oynamaq istəyərdim. Bu o demək deyil ki, mütləq London klubunu təmsil edəcəm. Sadəcə bu komanda xoşuma gəlir”
