Polşa və Ukraynada keçiriləcək Avropa çempionatı öncəsi bir çox futbolçu bu ölkələrdə azarkeşlərin irqçi hərəkətlərindən qorxur. Korner.az-ın məlumatına görə, daim meydandan kənar hərəkətləri ilə diqqət mərkəzinə düşən Mario Balotelli bu məsələylə bağlı maraqlı açıqlamalar verib. İtaliya millisinin heyətində Avro-2012-yə aparılacaq "Mançester Siti"nin futbolçusu hansısa bir azarkeşin ona bu hərəkti edəcəyi halda onu öldürəcəyi ilə hədələyib:
"İrqçi hərəkətləri heç vaxt qəbul etmədim. Bu heç qəbul edilə biləcək bir şey deyil. Əgər kimsə mənə banan atsa, həbsə düşəcəm. Çünki həmin adamı öldürərəm".
