Futbol

Balayev Qazaxıstanda ən yaxşı oldu

08.11.2019 , 16:42

Azərbaycan millisinin və “Tobol”un üzvü Emil Balayev Qazaxıstan çempionatının ən yaxşı göstəriciyə malik qapıçısıdır.

Korner.az xəbər verir ki, qolkiper “quru oyunlar”ın sayında bütün həmkarlarından öndədir.

O, bu mövsüm 18 oyunda qapısını toxunulmaz saxlayıb. Bu isə o deməkdir ki, mövsümün sonuna bir tur qaldığı üçün Balayevə heç kim çata bilməyəcək. Emil ümumilikdə 30 görüşdə 21 qol buraxıb.

İkinci pilləni “Ordabası”nın qapıçısı Dmitri Nepoqodov tutur. Onun aktivində 15 “quru oyun” var. Qazaxıstan millisinin qolkiperi 28 qarşılaşmada 20 top buraxıb. “Kayrat”ın qapıçısı Stas Pokatilov 13 “quru oyun”la 3-cüdür. O, 31 matçda 30 qol buraxıb.

Son yazılar

Yuxarı