DÇ-2014-ün seçmə mərhələsi çərçivəsində oktyabrın 15-də Bakıda keçiriləcək Azərbaycan – Rusiya matçını izləmək üçün paytaxımıza gələn rusiyalı azarkeşlərə Heydər Əliyev adına Beynəlxalq hava limanında Ermənistanla əlaqələri barədə suallar verilir.
Korner.az-ın məlumatına görə, bu iddianı Rusiyanın sports.ru saytı irəli sürüb.
Sayt yazır ki, bu barədə Bakıya səfər edən fanatlardan biri məlumat verib. Ona “Ermənistanı nə məqsədlə ziyarət etmişdiz?”, “Nə işlə məşğul olursuz?”, “Ermənistanda olduğunuz müddətdə nə işlə məşğul olduz?”, “Ermənistanla nə kimi əlaqələriniz var?” tipli suallar verilib. Sorğu-sual edildikdən sonra azarkeş sərbəst buraxılıb.
