“Sloveniyadan kənarda Azərbaycan və Küveytdə legioner həyatı yaşadım. Bu iki ölkəni müqayisə etsəm, özümü Azərbaycanda daha yaxşı hiss edirdim”.
Korner.az-ın məlumatına görə, bu sözləri “Bakı”nın sabiq futbolçusu Xavyer Junior deyib. Ölkəmizə Sloveniyanın “Domjale” klubundan gələn 31 yaşlı yarımmüdafiəçi yenidən sabiq klubunun formasını geyir. Juninyo kimi tanınan braziliyalı 2011-14-cü illərdə formasını geydiyi “Bakı”dan ayrıldıqdan sonra Küveytə üz tutsa da, Asiya karyerası uğursuz alınıb. Cənubi amerikalı Sloveniya mətbuatına açıqlamasında bunu aldadılması ilə izah edib: “Orada olduğum müddətdə bir çox insanlarla tanış ola bildim. Küveytdə isə problemlərim yarandı. Orda ortaq məxrəc tapmaq yolu yox idi. Mənə bir şey vəd etdilər, gedib başqasını gördüm. Bunu peşəkarlıq adlandırmaq olmaz. Bu ölkəyə getməyim mənim üçün yaxşı təcrübə olmadı. Azərbaycanda olduğum 3 il müddətində çox dəyişikliklər gördüm. İndi isə yenidən Sloveniyada olduğum üçün xoşbəxtəm. Azərbaycan və Küveytə yollananda orda özümü yad kimi idim. Burda – “Domjale”də isə evimdəki kimiyəm”.
Qeyd edək ki, Junior Vilson “Bakı”nın heyətində Azərbaycan kubokunun qalibi olub.
