"Qəbələ"nin futbolçusu Vurğun Hüseynovun Korner.az saytına müsahibəsi.
-"İnter" ilə oynadığınız Premyer Liqa oyunu ilə bağlı nə deyə bilərsən?
Bu oyuna çox ciddi hazırlaşmışdıq. Ən azından avrokuboklara gedə bilməyimiz üçün bu vacib oyunlardan biri idi. Lakin təəssüflər olsun ki, ilk qolu vurmağımıza baxmayaraq məğlub olduq. Artıq "İnter"lə oyunu unudub qarşıdan gələn "Bakı" matçına köklənirik.
-"Qəbələ" qeyri-stabil oyun nümayiş etdirir. Bunu nə ilə əlaqələndirərdin?
Qeyri-stabil deyəndəki oyundur. Ola bilər 1 oyun uduruq, 1 oyun uduzuruq. Ancaq ki, bu futboldur. Təbbi ki, qeyri-stabil oyun nümayiş etdirməyi bizdə istəmərik. İnşallah qarşıdakı oyunlardan qalib ayrılmaq istəyirik.
-"Qəbələ"nin Avrokubok şanslarını necə dəyərləndirirsən?
Qarşıdan gələn "Bakı" oyunundan çox şey asılıdır. Bu görüşdə qalib gəlməyimiz vacibdir. Çünki "Bakı"nı məğlub etsək Avrokubok hədəfimiz davam edəcək. Və ondan sonra gələn görüşlərə qələbə əzmi ilə çıxacıyıq.
-Yay transfer pəncərəsində hansısa bir klubdan təklif aldığın təqdirdə "Qəbələ"ni tərk edərsən?
Yox, yox mənim "Qəbələ" ilə hələ müqaviləm var. Burada özümü xoşbəxt sayıram. "Qəbələ" Azərbaycanın ən güclü klubarından biridir.
-Bəs ümumiyyətlə nə vaxtsa sabiq klubun "Turan"a qayıdarsan?
Mən bu gün Tovuzdayam. "Turan"da mənə doğmadır. Lakin hələ ki, "Qəbələ"də oynamaq istəyirəm.
-May ayının 20-si Yaponiya ilə Azərbaycan milliləri yoldaşlıq oyunu keçirəcəklər. Bu oyunla bağlı nə deyə bilərsən? Berti Foqs səni milliyə cəlb edə bilərmi?
Vallah açığına qalsa bu barədə televizorda eşitdim ki, Yaponiya ilə yoldaşlıq oyunu olacaq. Lakin heyətdə yer alıb almayacağım haqda heçnə deyə bilmərəm. Bu baş məşqçinin biləcəyi bir şeydir. Əgər çağırılaramsa, bir azərbaycanlı kimi mən də ölkəmi yaxşı təmsil etmək istəyərəm.
Hidayət
