Premyer Liqanın XXX turunda "Qəbələ" ilə qarşılaşacaq "Bakı" hazırlığını Qəbələ şəhər stadionunda keçirdiyi məşqlə davam etdirir. Korner.az klubun rəsmi saytına istinadən xəbər verir ki, heyətdə ciddi itkilərin olması məşqçilər korpusunun narahatlığına səbəb olub.
Daha öncə zədə səbəbindən oyunlardan kənar qalan Elvin Əliyev, Duye Bakoviç, Novruz Məmmədovun sırasına "Qarabağ"la kubok oyununda zədələnən Uinston Parks, Maris Verpakovskis və Junior da əlavə olunub.
Adı çəkilən futboçuıar ötən gün baş tutan məşqə qatılmayıblar və onların "Qəbələ" ilə oyunda istirak etməyəcəyi dəqiqləşib. "Bakı"nın baş məşqçisi Novruz Əzimov əvəzedici komandanın üzvü Namiq Ələsgərovu heyətə qatıb. Gənc hücumçu ilk dəfə olaraq əsas komandanın məşqində iştirak edib.
Xatırladaq ki, "Qəbələ" – "Bakı" qarşılşamasının star fiti bu gün saat 16:00-da səslənəcək.
