Mahaçkala klubunun baş məşqçisi Qus Hiddink komandanın rəhbərliyi tərəfindən mükafatlandırılıb. Korner.az-ın məlumatına görə, hollandiyalı çalışdırıcı "Anji"yə Avropa Liqasına vəsiqə qazandırdığı üçün klubun sahibi Süleyman Kərimov tərəfindən 1 milyon avro pul mükafatı verib.
Qeyd edək ki, Hiddink daha 1 milyon avro da mükafat ala bilər. Belə ki, onun komandası ən pis halda Avropa Liqasına vəsiqə qazanıb. Lakin komandanın Çempionlar Liqasına vəsiqə qazanmaq şansınları da qalıb. Əgər o, komandanın bu şansından istifadə edib "Anji"ni Avropanın ən nüfuzlu klub turnirinə çıxara bilsə növbəti mükafatını alacaq.
