“Fənərbaxça”nın Türkiyə superliqasında çempionluğunu rəsmiləşdirməsi Azərbaycandankı klub azarkeşləri tərəfindən də sevinclə qarşılanıb.
Korner.az-ın Qol.az-a istinadən verdiyi məlumata əsasən, “Fənərbaxça” – “Rizespor” matçını Bakının mərkəzindəki kafelərdən birində izləyən azarkeşlər oyun bitdikdən sonra Fəvvarələr meydanında toplaşıb. Türk və azərbaycanlı fanatlar əllərində bayraq və məşəllərlə İstanbul təmsilçisinin çempionluğunu qeyd edib.
Xatırladaq ki, “Fənərbaxça” bu heç-heçə ilə ən yaxın izləyicisi “Beşiktaş”la xal fərqini 13-ə yüksəldib. Bununla da Ərsun Yanalın komandası yarışın bitməsinə üç tur qalmış çempionluğunu rəsmiləşdirib.
