Layihə

Bakıda Avro-2020 ilə bağlı tədbir keçiriləcək

10.11.2016 , 10:52

Noyabrın 15-də "Bulvar Otel"də “Futbol matçları zamanı Təhlükəsizlik və Mühafizə məsələləri” üzrə seminar keçiriləcək. 
 
Korner.az-ın məlumatına görə, UEFA-nın rəhbərliyi altında təşkil olunacaq seminar Avro-2020-nin Bakıda 4 oyununun keçirilməsinə hazırlıq məqsədi daşıyır.
 
Eyni zamanda, Klubların Lisenziyalaşdırılması qaydalarının tələblərinə əsasən, klublarda ixtisaslı təhlükəsizlik xidmətinin rəisi və azarkeşlərlə əlaqələndirici şəxslər çalışmalıdır və bu seminar qeyd olunan əməkdaşların maarifləndirilməsinə yönləndiriləcək.
 
Seminarda aşağıdakı şəxslərin iştirakı nəzərdə tutulub:
* Beynəlxalq və daxili oyunlar zamanı stadionlarda təhlükəsizlik məsələlərinə cavabdeh olan Daxili İşlər Orqanlarının nümayəndələri
* Premyer Liqa və I Divizion klublarının yuxarıda qeyd olunan əməkdaşları * və fan klub nümayəndələri
* AFFA və PFL nümayəndələri
* Bakı-2017 İslam Həmrəyliyi Oyunlarının Yerli Təşkilat Komitəsinin nümayəndələri
 
 
UEFA-nın Təhlükəsizlik departamentinin əməkdaşları olan Kennet Skott, Mark Timmer və Frosdik Stefan seminar zamanı aşağıdakı mövzülar üzrə təqdimatlarla çıxış edəcəklər:
* Təhlükəsizlik və mühafizə məsələlərinə UEFA-nın yanaşması və konsepsiyası
* Bu məsələlərə aid milli strategiya və onun icra olunması
* Müxtəlif orqanların və təşkilatların bu sahədə əməkdaşlığı
* Stadionlarda təhlükəsizlik və mühafizə məsələləri üzrə məsul şəxslərin vəzifələri
* Oyun zamanı fan klublarla işin təşkili və s.
 
Seminarın sonunda iştirakçıların tədbirdə iştirak etməkləri ilə bağlı sertifikat təqdim olunacaq.
 
 
 
Xəbər AFFA yanında Media Komitəsinin maliyyələşdirdiyi müsabiqə əsasında işıqlandırılır.
 

Son yazılar

Yuxarı