Bu ilin noyabr ayında Madridə yollanan “Bakı”nın 5 gənc futbolçusunun təlimləri planauyğun şəkildə davam etdir.
Korner.az-ın məlumatına görə, 1999-cu il təvəllüdlü futbolçular Ruslan Süleymanov , Adıgözəl Qəlbinur, Rəşid Əliyev, Asim Abdullazadə və Cavid Mikayıllı artıq 2 aydır ki, “Atletiko” Madrid klubunun bazasında məskunlaşıblar.
Hadisələrin xronologiyasına nəzər salsaq, şanslı yeniyetmələrin uyğunlaşma dövrünü geridə qoyaraq, fəal hazırlıq proqramı əsasında çalışdıqlarını görmək olar.
Yeniyetmə futbolçular noyabr ayının ilk günlərində “Land of Fire Azerbaijan” (Odlar Yurdu Azərbaycan) formasını daşıyan “Atletiko”nun ev oyunlarını keçirdiyi “Visente Kalderon” stadionunda olublar. Klubun strukturu, bazası ilə tanış olan gənc futbolçular komandanın qazanmış olduğu kubokla şəkil çəkdirməyə də imkan tapıblar.
Daha sonra Madrid təmsilçisinin sponsorlarından biri olan “Coca- Cola” şirkəti azərbaycanlı futbolçulara üzərinə onların adları həkk olunan sərinləşdirici içkilərini təqdim edib.
“Bakı”lı uşaqlar İspaniya Premyerasının 12-ci turu çərçivəsində “Atletiko” (Madrid) və “Atletiko” (Bilbao) arasında baş tutan (2:0) qarşılaşmanı izləyiblər.
Əlbəttə ki, əsas məsələ futbolçularımız Madirddə necə hazırlıq keçməsi, yerli futbolçu və məşqçilərlə birlikdə hazırlıq keçməsinə yönəlib. 15 yaşlı gənclər “Atletiko”nun təlim bazasında xüsusi proqram üzrə məşqlərini yerli mütəxəssislərin dəstəyi və nəzarəti altında keçirlər.
Gənc futbolçuların bu və ya digər fəaliyyətlərini əks etdirən videomaterialı sizə təqdim edirik.
