Azərbaycan kubokunun 1/2 final mərhələsinin cavab oyunları “Qarabağ” və “Bakı” arasında oyunun penaltilər seriyası ilə yekunlaşması ilə əlamətdar oldu. Korner.az-ın məlumatına görə, cari mövsümdə artıq 2-ci dəfədir ki, mərhələni keçən komanda penaltilər seriyasında müəyyənləşir. İlk belə hal da “Bakı”nın iştirakı ilə olmuşdu. 1/8 finalda “Rəvan”ı mübarizədən kənarlaşdıran (3:2) paytaxtın eyniadlı təmsilçisi bu dəfə də qalib gəldi – 5:4.
Ümumilikdə isə Azərbaycan kuboku tarixində 18-ci dəfə yaşanan penaltilər seriyası 4-cü dəfə “Bakı”nın, 3-cü dəfə isə “Qarabağ”ın iştirakı ilə baş tutdu. Son 2 mövsümdə 3-cü dəfə penaltilər seriyasına qatılan “Bakı” ümumilikdə 4-ə çatmaqla “Neftçi”nin rekordunu təkrarladı. Bu 2 komanda Azərbaycan kubokunda ən çox penalti seriyasında iştirak edən klublardır. Onların hər ikisi 4 belə oyundan 3-də qalib gəlib. Yəni “Bakı” 3 dəfə penaltilər seriyası hesabına mərhələ keçmək rekordunda da “Neftçi”yə şərik oldu.
1 dəfə mərhələni bu yolla adlayan “Qarabağ” isə ardıcıl 2 mövsümdür mübarizəni penaltilər seriyasında dayandırır. Ötən mövsüm 1/8 finalda “Turan” Ağdam təmsilçisini dayandırmışdı.
Azərbaycan kuboku tarixində bütün penalti seriyaları:
1992
İnşaatçı (Bakı)
Xəzər (Sumqayıt)
1:1, pen. 5:4
1993
Kür (Mingəçevir)
Xəzri (Buzovna)
3:0, 0:3, pen. 4:3
1993
Neftçi (Bakı)
Xəzər (Sumqayıt)
0:0, 0:0, pen. 4:3
1993/94
Turan (Tovuz)
OİK Göyəzən (Qazax)
0,:0, 0:0, pen. 1:3
1998/99
Şəmkir
Neftçi (Bakı)
0:0, pen. 3:5
1999/2000
Turan (Tovuz)
Qarabağ (Ağdam)
1:0, 0:1, pen. 4:5
2003/04
Bakılı
Neftçi (Bakı)
1:0, 0:1 pen. 3:5
2004/05
Karvan (Yevlax)
Xəzər Lənkəran
1:1, 1:1, pen. 4:5
2004/05
Neftçi (Bakı)
İnter (Bakı)
0:0, 0:0, pen. 3:4
2007/08
Bakı
Qəbələ
1:1, 1:1, pen. 3:4
2009/10
Simurq (Zaqatala)
Olimpik-Şüvəlan (Bakı)
0:0, 0:0, pen. 2:4
2010/11
Bakı
Muğan (Salyan)
1:1, pen. 5:3
2010/11
Karvan (Yevlax)
MKT-Araz İmişli)
1:1, pen. 3:4
2010/11
Qarabağ (Ağdam)
Turan (Tovuz)
0:0, pen. 3:4
2010/11
Simurq (Zaqatala)
Abşeron (Bakı)
1:1, pen. 1:4
2010/11
Xəzər Lənkəran
İnter (Bakı)
1:1, pen. 4:2
2011/12
Bakı
Rəvan (Bakı)
0:0, pen. 3:2
2011/12
Bakı
Qarabağ (Ağdam)
0:1, 1:0, pen.5:4
