Topaz Premyer Liqanın final mərhələsinin ilk turunda evdə "Neftçi"ni qonaq edəcək "Bakı", klubun bazasında keçirdiyi məşqlə hazırlıqlarını başa vurub.
Korner.az-ın klubun saytına istinadən yaydığı xəbərə görə, təxminən, 90 dəqiqə hazırlıq keçən komanda oyun öncəsi son məqşinə bəzi itkilərlə çıxıb. Zədəli Aqil Nəbiyev və qızdırması olan Namiq Ələsgərov hazırlıqdan kənar qalıb.
Əvəzedici komandanın bu gün keçiriən oyununda (3:2) çıxış edən Aqil Məmmədov və Nurlan Novruzov da məşqə qatılanar arasında olmayıblar.
Xatırladaq ki, "Bakı" – "Neftçi" oyunu 12 mart 2013-ci il tarixdə "Bakı" futbol klubunun təlim-məşq bazasının stadionunda keçiriləcək. Oyun saat 15.00-da başlanacaq.
