“Bakı” klubu yeni mövsümə hazırlıq prosesi çərçivəsində bu gün Avstriyda ilk məşqinə çıxıb.
Korner.az-ın klubun rəsmi saytına istinadən verdiyi məlumata görə, baş məşqçi Milinko Pantiç təlim-məşq toplanışı gündə 2 dəfə olmag şərti ilə tərtib edib.
Günün ilk yarısında təşkil olunan məşq 8 km kross qaçışdan ibarət idi. “Hermagor” stadionunda keçirilən ikinci məşqdə isə oyunçular həm fiziki həm taktiki təmrinləri üzərində çalışıb. U-19 millik komandamızın düşərgəsindən qayıdan Namig Ələsgərov bu günkü məşqə qoşulub.
Təlim məşq toplanışı çərçivəsində keçirələcək yoxlama oyunlarının rəqibləri və tarixi müəyyən olub. Belə ki, iyul 8-də Avstriyanın FC “Hermagor” klubu ilə qarşlaşacaq “Bakı” 4 gün sonra rəqibimiz Rumıniyanın “Timişoara” klubu olacaq.
