Antalyada təlim-məşq toplanışını davam etdirən "Bakı" bu gün 2 yoxlama oyunu keçirib.
Korner.az-ın məlumatına görə, "zolaqlılar"ın birinci rəqibi Macarıstanın "Uypeşt" klubu olub.
Əsasən əsas heyət üzvlərinin forma geydiyi görüşün 60-cı dəqiqəsinde meydana ehtiyat oyunçular buraxılıb. Bundan sonra macarlar 2:0 hesablı qələbə qazanıb.
Evezedicilərin ve baxışda olanların üstünlük təşkil etdiyi heyət isə Almaniyanın regional liqasında çıxış edən "Berqiş qladbax" klubuyla qarşılaşıb. Görüş bakılıların 1:0 hesablı qələbəsiylə bitib. oyunda yeganə qolu "Qalatasaray"da da oynamış Ferdi Elmas vurub.
