Antalyada təlim-məşq toplantısını davam etdirən "Bakı" bu gün 2 yoxlama oyunu keçirəcək.
Korner.az-ın məlumatına görə, komanda meydana iki fərqli heyətlə çıxacaq. İlk oyunun start fiti yerli vaxtla 15.00-də (Bakı vaxtı ilə 17.00) səslənəcək. Bu oyunda "Bakı"nın rəqibi Macarıstan təmsilçisi "Uypeşt Doja" olacaq.
2 saat sonra komanda ikinci qarşılaşmasını keçirəcək. Bakı vaxtı ilə saat 19.00-da Almaniyanın "Bergix Qladbax" klubu "Bakı"nın eksperimental heyəti ilə üz-üzə gələcək.