yunun 12-dən 28-dək Bakıda keçiriləcək Avropa Oyunlarında iştirak edəcək Rusiya yığması ölkəmizə 600-ə yaxın nümayəndə heyəti ilə gələcək.
Korner.az-ın məlumatına görə, şimal qonşularımızın ilk dəfə təşkil olunacaq yarışda 341 idmançı ilə təmsil olunacağı dəqiqləşib.
Onlar 29 idman növündə təmsil olunacaqlar. Daha 19 idmançı isə yarışa lisenziya qazanmaq şansını qoruyur. Bu idmançıların taleyinə mayın ortalarına kimi aydınlıq gəlməlidi. Məhz həmin vaxtda tam siyahı təsdiqlənəcək.
Rusiya yığması yalnız 2 növdə əsas komanda ilə çıxış etməyəcək. Bunlar voleybol və qılıncoynatmadı. Şimallıların Avropa Oyunlarına bu idman növlərində ikinci heyətlə qatılması səbəbsiz deyil. Çünki voleybol idman növündə Avropa Liqası, qılıncoynatmada isə Moskvada keçiriləcək dünya çempionatı start götürəcək.
Ruslar bütün idman növlərində və medal sıralamasında birinci yer uğrunda mübarizə aparacaqlarını da açıqlayıblar.
