Qış fasiləsində Topaz premyer-liqasına hazırlığı İspaniyanın Marbelya əyalətində keçirən “Bakı” artıq vətənə dönüb.
Korner.az-ın məlumatına görə, yanvarın 11-25-i aralığında təlim-məşq toplanışında olan kollektiv yanvarın 26-ı Bakıya qayıdıb.
İki günlük istirahətin ardından komanda üzvləri bu gün saat 11:00-da klubun təlim-məşq bazasında bir araya gəlib. Baş məşqçi Milinko Pantiçin rəhbərliyi altında keçən məşq yüngül qaçış və isinmə hərəkətləri ilə başlayıb. Ardından müxtəlif toplu çalışmaları həyata keçirən futbolçular sonda ikitərəfli oyunla kifayətləndilər.
Qeyd edək ki, zədəli olan Şəhriyar Əliyev və Marius Pena hazırlıqda iştirak etməyib.
