"Ötən oyunla müqayisədə bu dəfə daha yaxşı çıxış etdik. Qapıçı və hücumçu problemi hələ də özü sözünü deyir, yaratdığımız çoxlu qol vəziyyətlərində də istifadə edə bilmədik".
Korner.az-ın məlumatına görə, bu sözləri Rumıniyanın "Timaşora" klubu ilə oyundan sonra "Xəzər Lənkəran"ın baş məşqçisi Karles Bakes deyib.
İspan çalışdırıcı müdafiədə də boşluqların olduğunu söyləyib: "Müdafiədə də çatışmazlıqlar var. Rahid Əmirquliyevi məcburiyyətdən müdafiədə oynatmalı oluruq. İkinci hissədə meydana buraxdığımız qapıçı düşərgəyə bu oyundan yarım saat əvvəl qoşulub. Onunla bağlı qərar verməyə hələ tələsmirik. Növbəti oyunlarda da sınayacağıq".