Badminton Konfederasiyasının konqresi Bakıda keçiriləcək
11.04.2022 , 18:14
Maltanın paytaxtı Valetta şəhərində keçirilən Avropa Badminton Konfederasiyasının (ABF) illik iclası başa çatıb.
Korner.az xəbər verir ki, konqresdə ABF prezidenti Taleh Ziyadov, vitse-prezident Aynur Səmədova və milli komandanın baş məşqçisi Morteza Validarvi iştirak ediblər.
2 gün davam edən toplantıda növbəti ildə keçiriləcək konqresə ev sahibliyi edəcək şəhər müəyyənləşib. Avropa Badminton Konfederasiyasının nümayəndə heyətlərinin növbəti, sayca 56-cı görüşü 2023-cü ildə Bakıda keçiriləcək. Mötəbər tədbirə ev sahibliyi etmək hüququ 3 namizəd şəhər arasından paytaxtımıza verilib.
Konqres çərçivəsində 2022-də müxtəlif nominasiyalar üzrə ilin ən yaxşılarının mükafatlandırılma mərasimi Bakıda təşkil olunacaq. Avropanın badminton federasiyasılarının prezidentləri ölkəmizə səfər edəcək.
