Yəqin ki, bu hadisə Mozambikdə də olsaydı, lağ-lağı elədiyimiz qarabalaların da ağ vicdanı imkan verməzdi sussunlar. Bizim qara vicdanlı papabalaları isə susurlar. Çünki istədiklər bu idi. Çünki "Qarabağ" adı, Qurban Qurbanov adı xılt olub keçib boğazlarına. Çünki idbarsifətdilər, ən böyük qalmaqalların olduğu vaxtlarda dovşanlıq edirlər, gizlənirlər! İşləri-gücləri "torba tikməkdi", söz gəzdirməkdi, söz çatdırmaqdı.
Dünyanın heç bir ölkəsinin federasiya rəhbərliyi bu cür qalmaqaldan sonra ağzına su alıb oturmur, Azərbaycandan başqa. 15-20 saatdı ölkənin futbol ictimaiyyətinin başından tüstü çıxır əsəbdən, bu qlamurlar yoxdular ortalıqda. Hanı Elxan Məmmədov? Hanı Elşad Nəsirov? Ramin Musayev çıxdı, pis-yaxşı danışdı. Mübahisə ediləcək sözlər dedi, ancaq dedi axı. Bəs hanı baş katib? Bəs hanı bu ölkənin UEFA nümayəndələri?
Niyə çıxıb biriniz bir kəlmə danımırsız? Az qala bağçalararası birinciliyə də dəvət aldığı xəbərini verdiyiniz qohum-əqrəba nümayəndələriniz niyə susur? Niyə susursan, Elxan Məmmədov? "Pokazuxalıq" iş yoxdu ortada, hə?! "Xəzər Lənkəran"ı o vaxt tək qoyduz, bir qara qəpiklik kömək etmədiz. Heç olmasa, indi çıx ortaya. Axı sən qızların dünya çempionatını Bakıya saldıran oğlan idin. Bəs sən U-19-ların final oyununu Bakıya saldıracaq "blat"a sahib idin. Sinənə döyürdün axı. Get də, get döy UEFA-nın qapısını, qoru illərdi səni saxlayan klubun haqqını.
Bir dəfə də azərbaycanlı olun da. Bir dəfə də sevin də dilini moltanı ləhcəsiylə danışdığınız bu ölkəni. Bacararsız?! … bacararsız!
Saleh Arslan
