"Ruslanın müqaviləsi bitib. O, peşəkar futbolçudur. Bəzi klubların maraq dairəsində olması normal bir şeydir. Ancaq onu deyim ki, Ruslan Abışov təkcə "Xəzər Lənkəran"ın yox, başqa klubların da transfer siyahısında yer alıb".
Bu sözləri Korner.az-a açıqlamasında "Neftçi"nin cinah müdafiəçisi Ruslan Abışovun meneceri və eyni zamanda qardaşı olan Sərxan Abışov deyib. Menecer, millimizin üzvünün taleyinə yaxın günlərdə aydınlıq gələcəyini də sözlərinə əlavə edib: "Ruslanın taleyinə yaxın 2 gün ərzində aydınlıq gələcək. Məhz bundan sonra konkret nəsə demək olar. Ola bilsin, "Neftçi"də qaldı. Ancaq "Xəzər Lənkəran"a da keçə bilər. Sadəcə indi 100 faizlik nəsə demək istəməzdim. Çünki yalançı olmaq istəmirəm."
Hidayət QURBANOV
