Şənbə günü "İnter" – "Neftçi" oyununda baş verən qalmaqalla bağlı "Neftçi"nin "1937" fan-klubu bəyanat yayıb.
Korner.az bəyanatı olduğu kimi sizə təqdim edir.
"Neftçi"nin oyununda qalmaqal və xuliqanlıq törətmək, özümüzü reklam etmək üçün gəlmirik! İkincisi, Azərbaycanda pulla tutulma deyildə, əsl futbol fanatı görüb təccüblənən Nikolov niyə ota görə tumanını başına çəkib? Ota görə dava eləyənlər həmişə çobanlar olur ki, qoyunlarım ac qalacaq… Yəqin "Neftçi"yə gücü çatmayan, ana söyüşü söyən bir qurumun rəhbəri pulnan tutulan azarkeşlər, məktəb direktorlarına yalvarılaraq gətirilən uşaqlar və nəhayət "Şəfa"ya məşq eləmək üçün gələn uşaqları bir yerə yığıb "Ultras" yaratmaq istəyirdi ki, "fakel"ə-zada pulu çatmayıb və uşaqların başını aldatmaq üçün indi də deyir, belə şeylər eləmək olmaz!
Cənab baş çoban, yadında saxla ki, "Neftçi" heç bir fanklubu maliyyələşdirmir, üstəgəl, stadionda aktiv "Neftçi" kütləsi fanklub deyildə "Neftçi"nin Azad Azarkeş qrupları idi. Hamımız stadiona Neftçiyə görə gəlirik və 90 dəqiqə "Neftçi" üçün var gücümüzü qoyub azarkeşlik edirik. Siz bizə xuliqan gözü ilə baxa bilərsiniz,amma atalarımız düz deyib, "eşşək nə bilir zəfəran nədir???". Polislərə tapşırıq verib 3 azarkeşimizin həbsinə nail oldunuz ki, "Neftçi"nin 76-yaşını 76-cı dəqiqədə bayram edə bilmədik, çünki polislərlə dava-qırğın başımızı qatdı. Nəhayət, sonda klubumuzun prezidenti Sadıq müəllim və vitse-prezident Tahir Süleymanovun müdaxiləsi ilə şərləyərək xuliqan adı verdiyiniz "Neftçi"lilər polis bölməsindən buraxıldı! Əgər bu gün klubumuzun rəhbərliyi bizi polisdən azad edib sizinlə fəxr edirik deyirsə, deməli, nə eləmişiksə, ZOR eləmişik!!!
"Neftçi"nin hər oyununda 76-cı ad günümüz münasibəti ilə hər 76-cı dəqiqədə mövsümün sonuna kimi "fakel" yandırıb atacağıq! 76-yaşımız var, siz hələ gedib 10 yaşınıza tort "zakaz" verin!"
