“İlk 20 dəqiqədə yaxşı oyun alındı, ancaq hakim bizim üçün bütün məsələni həll etdi. Amma mən heç kimi günahlandıra bilmərəm. Bu futboldur, hər şey ola bilər”
Bu sözləri “Qarabağ”ın futbolçusu Dino Ndlovu deyib. Çempionlar Liqası V turunda “Qarabağ” “Çelsi” ilə qarşılaşıb. Bakı Oliimpiya Stadionunda keçirilən matçda 4 qol vurulub. Qonaqlar böyükesablı qələbəyə sevinib – 4:0
Dino oyundan sonra matç haqda danışıb. Korner.az saytının əməkdaşının da iştirak etdiyi brifinqdə hücumçu fikirlərini belə davam etdirib: “Nə edə bilərik? Komanda üçün yaxşı təcrübə oldu. Heç bir səhv cəzasız qalmır. Mən UEFA rəsmisi deyiləm, hakimlik barədə danışmaq istəmirəm, bu mənim problemim deyil. Ancaq onlar edəcəyini etdilər. Çempionlar Liqası oyunlarında qırmızı vərəqələr alırıq, bunun səbəbini anlamıram. Ola bilər ki, biz kiçik klubuq. Buna görə çox üzülürəm”.
Forvard oyunun gedişatında qırmızı vərəqədən sonra baş məşqçi Qurban Qurbanovun bütün futbolçuarı yanına çağırması barədə danışıb: “Qurban Qurbanov bizə sadəcə motivasiya verdi. Xüsusi bir şey demədi. Rəşadla da söhbətim olmadı, mənə heç nə demədi. Bu futboldu, nə edə bilərik?”
