Ölkə futbolu

Bəhmən Həsənov “Zirə”də?

18.08.2019 , 17:52

Söhbət klubun Futbol Akademiyasının boş qalan direktor vəzifəsindən gedir.

Korner.az xəbər verir ki, klub rəhbərliyinin bu posta bir neçə namizədi var.

Akademiyanın keçmiş direktoru Adil Şükürovun «Şüvəlan»a gedişindən sonra bu post boş qalmışdı. «Şüvəlan» FK-nın himayədarı «Silkway»in bu klubu maliyyələşdirməkdən imtina etməsindən və «Zirə» FK-ya dəstək olmasından sonra rəsmi olaraq fəaliyyətini dayandıran «Şüvəlan»ın baş məşqçisi Adil Şükürova yenidən akademiyaya rəhbərlik etmək  təklif olunsa da, o, bundan imtina edib. Məşqçilik karyerasını davam etdirməyi üstün tutan baş məşqçi hələ ki işsizdir.

 

Xatırladaq ki, Adil Şükürovun «Zirə»yə gəlişi 2014-cü ildə olmuşdu. O vaxt əsas komandanın sükanı arxasına keçən məşqçi Premyer Liqadakı ilk mövsümdəcə komandaya gümüş medalları qazandırmışdı. Daha sonra akademiyaya rəhbər təyin olunan A.Şükürov burada da klubun uğurları üçün çalışıb. Az müddətdə akademiyada işlərin düzgün qurulması, savadlı məşqçilərin cəlb olunması, ən əsası 16 yaşlı Cəlal Hüseynovla  Vüsal Əliyevin əsas komandayla müqavilə bağlaması bundan xəbər verir.

O ki qaldı, akademiaya kimin rəhbər təyin olunacağından, aldığımız məlumata görə bu post ən real namizədlərdən biri Bəhmən Həsənovdur. Bundan başqa  klub rəhbərliyinin siyahısında əcnəbi mütəxəssislə yanaşı, hazırda işsiz olan Ramin Quliyevin də adı var (sport7.az).

Son yazılar

Yuxarı