“Qarabağ”ı təbrik edirəm. Layiqli qələbə qazandılar. Təbii ki, problemlərimiz var. Saşa Yunisoğlunun, Rəşad Əzizlinin zədəsi davam edir. Hücumçumuz Ceyhun da zədələndi. Bütün bunlar da problemlər yaradır. Primitiv səhvlər ucbatından qol buraxdıq. Rəqib çox güclüdü. Hazırda sonuncu yerdən qurtulmağa çalışırıq. Rəqiblər də gücldü. Nəyə etiraz edə bilərəm ki? Qorxaq futbol da oynamadıq. İkinci hissədə də itirəcək bir şeyimiz yox idi”.
Korner.az-ın futbolinfo.az saytına istinadən yaydığı xəbərə görə, bu sözləri “Rəvan”ın baş məşqçisi Bəhmən Həsənov Topaz Premyer Liqanın 27-ci turunda “Qarabağ”a 1:5 hesabı ilə uduzduqları oyundan sonra deyib.
“Xəzər Lənkəran” bizim tək və danılmaz rəqibimizdi. Biz onlardan başqa heç kimi keçə bilmərik. “Sumqayıt” da uzaqlaşdı getdi. AZAL da çox xal qazandı. Mən udmaq istəyirəm. “Xəzər Lənkəran”ın xallarının silinməsinə inam yoxdu. Onlarda da yaxşı futbolçular var. Bizim futbolçulardan da Lənkəran klubuna gedənlər oldu. Bilirsən problem nədi? Problemi görüb və onun qarşısını almamaqda” – deyə o bildirib.
