Bəhlul ilə bağlı son durum açıqlandı: OYNAMAYACAQ
19.02.2026 , 19:30
UEFA Çempionlar Liqasının pley-off mərhələsində keçirilən “Qarabağ” – “Nyukasl” matçında zədələnərək 22-ci dəqiqədə əvəzlənən Bəhlul Mustafazadənin vəziyyətinə aydınlıq gətirilib.
Korner.az xəbər verir ki, tibbi müayinələrin nəticəsində müdafiəçinin sol budunun adduktor əzələlərində və qasıq nahiyəsində zədə müəyyən olunub.
Hazırda klubun tibbi heyəti mümkün cərrahi müdaxiləni qiymətləndirir. Futbolçunun məşq prosesinə qayıdış müddəti bərpa mərhələsinin gedişinə uyğun olaraq fərdi qaydada dəqiqləşdiriləcək.
İlkin tibbi rəyə əsasən, Mustafazadənin reabilitasiya dövrünün təxminən 10-12 həftə çəkməsi gözlənilir.
