“İntizam Komitəsinin qərarlarına hörmət edirik. Ancaq azarkeşlərimizə görə bizə cərimənin kəsilməsini anlamadıq”.
Bu sözləri Korner.az-a açıqlamasında “Neftçi”nin Mətbuat və İctimaiyyətlə Əlaqələr Departamentinin rəisi Gündüz Abbaszadə AFFA İntizam Komitəsinin “Böyük oyun”la bağlı qərarını şərh edərkən deyib.
Abbaszadə bildirib ki, oyuna gələn “ağ-qaralı” fanatlar baş vermiş qarşıdurmalarda iştirak etməyiblər: “Bizim azarkeşlər insidentlərdə iştirak etməyiblər. Baxmayaraq ki, həm oyun vaxtı, həm də oyundan sonra söyülüblər, təzyiqlərə məruz qalıblar, bir küncə sıxılıb təhlükəsizlik orqanlarının tələblərinə riayət ediblər. Bu halda bizə azarkeşlərlə düzgün iş aparmadığımıza görə niyə cərimə kəsildiyini anlamadıq”.
