Avstraliyada yaşayan və İrlandiya millisinə azarkeşlik edən bir fanat sevimli komandasının DÇ-2014 çərçivəsində İsveçlə keçirəcəyi oyunun yayım hüququnu alıb.
Korner.az-ın xarici mətbuata istinadən məlumatına görə, Devid Finini buna vadar edən bu gün keçiriləcək həmin görüşü heç bir kanalın yayımlamamasıdı.
Kanalların biganəliyini görən Fini matçın yayım hüququnu əlində saxlayan alman şirkətiylə müqavilə imzalayıb. Bu sövdələşmə ona onminlərlə dollara baha başa gəlib. Fini tələb olunan məbləği bankdan – evini girov qoyaraq götürüb.
