Yeni mövsümə hazırlıqlarını davam etdirən AZAL bu gün Türkiyə toplanışı çərçivəsində növbəti sınaq matçına çıxıb. Korner.az-ın məlumatyına görə, dördüncü yoxlama oyununda "təyyarəçilər"in rəqibi Türkiyənin Bank Asya ligində mübarizə aparan “Kartalspor” klubu olub.
Vaqif Sadıqovun rəhbərlik etdiyi komanda bu oyunda böyükhesablı qələbəyə sevinib – 3:0.
AZAL-ın qollarını Bronislav Arsenyeviç, Junior Nildo və Viktor İbekoyi vurub.
Qeyd edək ki, AZAL bundan öncə keçirdiyi yoxlama oyunlarında Türkiyə Super Liqasında çıxış edən “Antalyaspor”a 0:2 hesabıyla uduzmuş, “Mersin İdmanyurdu”na 2:1 qalib gəlmişdi. Ardından Səudiyyə Ərəbistanının “Najran” klubu ilə qarşılaşma da 1:0 hesablı qələbə ilə bitmişdi.