AZAL-ın yarımmüdafiəçisi Edu Türkiyədə əməliyyat olunub.
Korner.az-ın məlumatına görə, bu xəbər klubun rəsmi saytına yer alıb. Sağ dizinin ön çarpaz bağları qopan braziliyalı oyuçunun iki saat çəkən əməliyyatı uğurlu bitib.
Tam adı Eduardo Konseysao Masiel olan legioner futbolçu fevralın 17-də Azərbaycana qayıdacaq.
Edu növbəti iki ay ərzində əsa ilə hərəkət edəcək və özəl xəstəxanaların birində müalicəsini davam etdirəcək. Braziliyalı yarımmüdafiəçi yalnız 4 ay yarımdan sonra komandayla birgə məşqlərə qatıla biləcək. Amma istənilən halda, bu mövsüm Edu üçün artıq başa çatıb.