Azərbaycanda oynamış futbolçu Ukrayna klubunda
30.09.2022 , 12:02
“Səbail” və “Sabah”ın keçmiş futbolçusu Kevin Kubembanın yeni klubunun adına aydınlıq gəlib.
Korner.az xəbər verir ki, 29 yaşlı hücumçu karyerasını Ukrayna “Çernomorets”ində davam etdirəcək. Bu barədə Odessa təmsilçisinin rəsmi saytı məlumat yayıb. Kluba azad agent kimi transfer olunan konqolu forvardla imzalanan müqavilənin detalları açıqlanmayıb.
Qeyd edək ki, Kevin Kubemba 2018-2019-cu illərdə “Səbail”də, 2019 – 2021-ci illərdə isə “Sabah”da oynayıb.
