Çempionlar Liqasının qrup mərhələsində “Qarabağ”ın rəqibi olan “Atletiko”nun baş məşqçisi Dieqo Simeone püşkü dəyərləndirib.
Argentinalı mütəxəssis Azərbaycana səfərin bütün rəqiblər üçün çətin olacağını deyib:
“Çətin qrupa düşmüşük. Eyni zamanda maraqlı qrupdur. Bizi “Roma” və “Çelsi” ilə gərgin oyunlar gözləyir. Azərbaycana səfər isə hamı üçün çətin olacaq. “Çelsi” yaxşı oyunçulara malikdir. Onlar ötən mövsüm fantastik çıxış etdilər. “Roma” da çox yaxşı futbol oynayır. Bu komandanın möhtəşəm baş məşqçisi var”.