Ukraynalı futbol mütəxəssisi, Donetsk “Şaxtyor”unun sabiq yarımmüdafiəçisi Mixail Sokolovski bu ölkədən olan məşqçilərin Azərbaycan və Qazaxıxstan kimi ölkələrdə çalışmasını tənqid edib.
O, yerli mətbuata müsahibəsində Yuri Maksimovun “Keşlə”yə, Vladimir Mazyarın Qazaxıstanın “Akjayık” klubuna baş məşqçi təyin olunmasına münasibət bildirərkən, bunları söyləyib:
“Qazaxıstanla Azərbaycanda çempionat zəifdi, amma əvəzində pul var. Əvvəllər bütün məşqçilər Ukrayna və Rusiya klublarında çalışmağı arzulayardı, indi isə… Mən Qazaxıstana, həmçinin Azərbaycana işləməyə gedən məşqçiləri heç vaxt işə götürməzdim. Nə vaxtsa “Dinamo”ya rəhbərlik edən məşqçi başqa bir Ukrayna komandasını çalışdırmaq istəmir. Onlar yalnız xaricə çıxırlar. Sanki həmin məşqçilər üçün Kiyevdən başqa hər yer əyalətdi. Razıyam ki, Ukraynada məşqçilərin sayı çoxdu. Amma yüksək səviyyəli məşqçilər azdı. Hər məşqçinin də artıq öz agenti var. Həmin menecerlər onların hətta ən kiçik uğurunu da yaxşı reklam edirlər”.
