Azərbaycan Varşavaya 13, Praqaya 7 cüdoçu ilə
21.02.2022 , 20:04
Varşava və Praqada keçiriləcək cüdo üzrə Avropa açıq turnirlərində iştirak edəcək cüdoçularımız müəyyənləşib.
Korner.az xəbər verir ki, 26-27 fevral tarixlərində keçiriləcək və 34 ölkənin idmançısının qatılacağı Varşavadakı yarışda 13 kişi cüdoçumuz yarışacaq.
Bunlar Əhməd Yusifov, Rövşən Əliyev, Nazir Talıbov (hər üçü 60 kq), İbrahim Əliyev, İsmayıl İbrahimov, Tofiq Əliyev (hər üçü 66 kq), Nəriman Mirzəyev, Zaməddin Poladov (hər ikisi 73 kq), Zelim Tskayev (81 kq), Vüqar Talıbov, Coşqun Abdullayev (hər ikisi 90 kq), İmran Yusifov və Camal Feyziyevdir (hər ikisi +100 kq).
5-6 martda baş tutacaq və 44 ölkənin cüdoçularının iştirak edəcəyi Praqadakı yarışda isə ancaq qadın millimiz mübarizə aparacaq. Məşqçilər heyəti yarışda Aydan Vəliyeva, Aişə Qurbanlı, Şəfəq Həmidova (hər üçü 48 kq), Səbinə Əliyeva (52 kq), Fidan Əlizadə (57 kq), Aytac Qardaşxanlı (63 kq) və Südabə Ağayevanı (70 kq) sınaqdan keçirəcək.
