Azərbaycan şahmatçılarından Albaniyada 5 medal
22.05.2023 , 13:10
Albaniyada şahmat üzrə keçirilən məktəblilərin şahmat Avropa çempionatı sona çatıb.
Korner.az xəbər verir ki, 25 ölkədən 208 şahmatçının iştirak etdiyi qitə birinciliyində Azərbaycan təmsilçiləri 5 medal qazanıb. Məktəbli şahmatçılarımız 2 qızıl, 2 gümüş və 1 bürünc medala layiq görülüb. Bununla komandamız medal sıralamasında 3-cü yeri tutub.
17 yaşadək oğlanlar kateqoriyasında çıxış edən Aqil İsrailov və 9 yaşadək oğlanların yarışında mübarizə aparan Yasin Əzimov çempionatın qızıl medalına sahib çıxıb. 13 yaşadək olan kateqoriyada Səadət Bəşirli qızların, Mirsaleh Seyidli isə oğlanların yarışında gümüş medal qazanıb. 15 yaşadək qızlar kateqoriyasında çıxış edən Nurtən Nuriyeva bürünc medalla mükafatlandırılıb.
Təmsilçilərimizdən Attila Orman (U9), Seyid Hüseyn (U17) 4-cü, Məryəm Məmmədova (G9), Yunis Mahmudzadə (U13) və Nazlı Hümbətova (G17) 5-ci, Ayla Mustafayeva (G7), Aytac Məmmədova (G17) 6-cı yeri tutub.
