Azərbaycan kubokunun qalibi məlum oldu

Bu gün futzal üzrə 2022/2023-cü il mövsümünün son oyunu keçirilib.

Korner.az xəbər verir ki, Azərbaycan kubokunun sahibini müəyyənləşdirən matçda Yüksək Liqanın gümüş və bürünc medalçıları – “Neftçi” İK və “Baku Fire” qarşılaşıb. “Neftçi” İK həm də Azərbaycan kubokunun ötənilki sahibidir.

Birinci hissənin ilk 10 dəqiqəsi daha çox qarşılıqlı hücumlarla yadda qalıb. Hesab isə 12-ci dəqiqədə açılıb. Bundan sonra nominal qonaqlar ardıcıl qollar vurmaqla fasiləyə 4 top üstünlüklə yollanmağı bacarıb.

İkinci hissəni “Neftçi” İK daha çox qapıçını meydan oyunçusu ilə əvəzetməklə keçirsə də, hesabda geridönüş edə bilmədi. Son dəqiqədə isə cərimə zərbəsindən yararlana bilmədi. Əksinə, rəqib fərqi artırdı, qələbəsini təmin etdi. Yekunda qələbə qazanan “Baku Fire” ilk dəfə Azərbaycan kubokunu qazandı.

Neftçi İK – Baku Fire (0:4) 0:5
Qollar: Oruc Baxşəlizadə, 11:07, İaqo Henrique, 14:00, Tofiq Əliyev, 15:31, 29:30, Elvin Quliyev, 17:22
Sarı vərəqələr: Namiq Məmmədkərimov, 7:46, Rüfət Balakişiyev, 13:59, Behzad Hassanzade, 15:19, Əjdər Əjdərov, 32:33 // Murad Quluzadə, 15:38, Soruş Heydari, 32:33, Faiq Əliyev, 35:17